Skip to main content

ഒരിന്ത്യന്‍ മുസ്‌ലീമിന്‍റെ ആകുലതകള്‍



പച്ച നിറം എനിക്കിഷ്ടപ്പെട്ടത് ഞാന്‍ കേരളീയനായതിനാലാണ്...
ചുറ്റിലും പച്ചപ്പ് കണ്ടു വളര്‍ന്നതിനാലാണ്...
എങ്കിലും ഞാന്‍ ആ ഇഷ്ടം ബോധപൂര്‍വം മാറ്റിവച്ചു...
നിങ്ങളെന്നെ വര്‍ഗീയവാദി എന്ന് വിളിക്കാതിരിക്കാന്‍...
അവളെയെനിക്കിഷ്ടപ്പെട്ടത് എന്‍റെ മനസ്സില്‍വര്‍ഗീയതയുള്ളതിനാലല്ല...
എന്‍റെ ഹൃദയം പ്രണയത്താല്‍ മുങ്ങിയതിനാലാണ്...
എന്നാലോ നിങ്ങളതിനു പുതുപ്പേര്‍നല്‍കി...
ലവ് ജിഹാദ്‌എന്ന ജിഹ്വയാലെന്നെയമര്‍ത്തി...
ഓണമാഘോഷിച്ചത് മതേതരവാദിയെന്ന് നിങ്ങളെക്കൊണ്ട് വിളിപ്പിക്കാനല്ല...
മഹാബലിയുടെ ആ നല്ല കാലം തിരിച്ചുവരുമെന്ന പ്രതീക്ഷയില്‍ തന്നെയാണ്...
മലയാറ്റൂര്‍പള്ളിയിലും കാടാമ്പുഴ ഭഗവതി ക്ഷേത്രത്തിലും പോയത്‌
ബീമപ്പള്ളിയില്‍ പോകുന്ന  അതേ ഭക്തിയോടും ചിന്തയോടുമാണ്...
യാത്രകള്‍ ഇഷ്ടമുള്ളതിനാലാണ് അജ്മീറിലും കാശ്മീരിലും പോയത്‌
അല്ലാതെ ചാവേറായി പൊട്ടിത്തെറിക്കാനല്ലാ...
മാംസമെന്‍റെ ദൌര്‍ബല്യമാണെങ്കിലും ഞാനിന്ന് സസ്യഭുക്കായത് 
ജനാധിപത്യത്തിലെ വിശ്വസക്കുറവിനാലല്ല,
ആരൊക്കെയോ വീട്ടിലേക്കിരച്ചുകയറുന്ന സ്വപ്നം പലവുരു കണ്ടതിനാലാണ്...
നിങ്ങള്‍ക്കൊന്നും തന്നെ സ്ഥാപിക്കാനില്ല...
എന്നാലെന്‍റെ ഓരോ ഇഷ്ടങ്ങളിലും അനിഷ്ടങ്ങളിലും വര്‍ഗീയത നിങ്ങള്‍
കാണാതിരിക്കാന്‍ എനിക്ക് പലതും സ്ഥാപിക്കണം...
നിങ്ങള്‍ക്ക് നിങ്ങളുടെ പേര് പറയാന്‍ എപ്പോഴെങ്കിലും  രണ്ടാമതൊന്ന് ആലോചിക്കേണ്ടി വന്നിട്ടുണ്ടോ...
അതെ...ഇതൊന്നും  നിങ്ങള്‍ക്ക് അനുഭവിക്കേണ്ടി വന്നിട്ടില്ലാത്ത ആകുലതയാണ്.
അതനുഭവിക്കണമെങ്കില്‍ നിങ്ങളൊരു മുസ്‌ലീം ആകണം... ഇന്ത്യന്‍മുസ്‌ലീം

Comments

Post a Comment

Popular posts from this blog

തൊട്ടുതൊട്ടു നടക്കുമ്പോൾ...

                അലസമായ ഞായറാഴ്ച അലസാലസമായ പത്രവായനയും കഴിഞ്ഞു ചാരുകസേരയിൽ കൂനിക്കൂടി ഇരുന്നപ്പോൾ, കാമുകിയുടെ ഓർമ്മകൾ അകാരണമായി വേട്ടയാടുകയും തത്ഫലമായി അവൾ തന്ന പുസ്തകങ്ങൾ ഷെൽഫിൽ പരതാൻ തുടങ്ങുകയും കൂടി ചെയ്തപ്പോൾ കയ്യിൽ തടഞ്ഞ പുസ്തകമാണ്  "വീരാൻ കുട്ടിയുടെ" 'തൊട്ടുതൊട്ടു നടക്കുമ്പോൾ' . അരമണിക്കൂർ കൊണ്ട് വായിച്ചു തീർക്കാവുന്ന ഹൈക്കു കവിതകൾ പോലെ കുറഞ്ഞ അക്ഷരങ്ങളിൽ കൂടുതൽ ആന്തരാർത്ഥങ്ങൾ അടക്കം ചെയ്തിരിക്കുന്ന കവിതാവലി. നൂറ്റിമുപ്പത്തിനാല് കുഞ്ഞുകവിതകൾ. പലതും  സോഷ്യൽ മീഡിയയിലൂടെയും വാട്സാപ്പിലൂടെയും വായിച്ചിട്ടുള്ളവാ. ഏകദേശം 13X10 സെ.മി നീളവും വീതിയുമുള്ള ഈ കുഞ്ഞു പുസ്തകവും അതിലെ നരച്ച മഞ്ഞനിറത്തോടുകൂടിയ പേപ്പറുകളും മനസ്സിൽ ഗൃഹാതുരത്വം അനുഭവിപ്പിക്കാൻ പോന്നവ തന്നെയാണ്.                               റൂമിയുടെയും ഓഷോയുടെയും പ്രണയാർദ്രമായ മൊഴിമുത്തുകൾ കേൾക്കുന്ന സുഖം പ്രധാനം ചെയ്യാൻ വീരാൻ കുട്ടിക്കും കഴിയുന്നുണ്ട്. കവിതകളെല്ലാം പ്രണയത്തിന്റെ തേനിൽ ചാലിച്ചെട...
3 comments
Read more

സാക്ഷ്യം

ചീറിപ്പാഞ്ഞുവന്ന കാര്‍ അയാളെ തട്ടിത്തെറിപ്പിച്ചു.ചോരയില്‍ കുളിച്ചുകിടന്ന ആ ശരീരത്തെ നോക്കി പരിതപിക്കാനല്ലാതെ ആശുപത്രിയിലെത്തിക്കാന്‍ ആരും തയ്യാറായില്ലാ.ഉടനെ വന്നു പരസ്യം. ടിവിയില്‍ ആ ദാരുണ രംഗം കണ്ടുകൊണ്ടിരുന്ന അവന്‍ പൊട്ടി വന്ന ക്ഷോഭത്താല്‍ പറഞ്ഞു; 'ബാസ്റ്റ്ഡ്....ഒരുത്തനെങ്കിലും അയാളെ വേഗം ഹോസ്പിറ്റലിലെത്തിച്ചെങ്കില്‍'.പരസ്യം വരാന്‍ കാത്തുനിന്ന അമ്മ അവനോടു പറഞ്ഞു;മോനെ വേഗം ഒരു കവര്‍ പാല് വാങ്ങിച്ചിട്ടു വാ?..... പരസ്യം തീരും മുന്‍പ് തിരിച്ചെത്തണം.അതിനാലവന്‍ രൂപയുമായി കടയിലേക്കോടി.തനിക്കും മുന്‍പെ സാധനം വാങ്ങാ‍ന്‍ കടയിലെത്തിയവരെ ഗൌനിക്കാതെ അവന്‍ വിളിച്ചു പറഞ്ഞു; പെട്ടെന്ന് ഒരു കവര്‍ പാല് വേണം? പാലുമായി പോകാന്‍ തിരിഞ്ഞപ്പോള്‍ ലോറിയിടിച്ച് റോഡില്‍ വീണു രക്തം വാര്‍ന്നു പോകുന്ന ഒരു ശരീരമവന്‍ കണ്ടു.പക്ഷേ അതും നോക്കി സമയം കളയാനവനു താത്പര്യമില്ലായിരുന്നു.ടിവിയില്‍ കണ്ട നായകനെ ആരെങ്കിലും ഹോസ്പിറ്റലില്‍ എത്തിച്ചോ? അതോ രക്തം വാര്‍ന്നു മരിച്ചോ? എന്ന ചോദ്യമായിരുന്നു അവന്റെ മനസു നിറയെ.വീട്ടിലേക്കോടിയ അവന്റെ മനസു നിറയെ പ്രാര്‍ത്ഥനയായിരുന്നു.......................
10 comments
Read more

"ഒസ്സാത്തി"

            " ഒസ്സാത്തി " പേര് കേട്ടപ്പോൾ തന്നെ വല്ലാത്ത ആകർഷണം തോന്നി . കാരണം ഈ പേര്   ഒരുവിധപ്പെട്ട എല്ലാ മുസ്ലിം ഭവനങ്ങളിലും സാധാരണയായി   കേള്‍ക്കുന്ന   പേരാണ് . " ഒസ്സാക്കുടിയിലെ ഇരുന്ത് ലൈലാമ്മ മോള്‌ക്കെ കല്യാണം വിളിച്ച് വന്തിരുന്ത് ". ഉമ്മയുടെ വാക്കുകളാണ് . ഒസ്സാന്മാരായിരുന്നു പഴയ മുസ്ലിം വീടുകളിൽ ബാർബർമാരായി വന്നിരുന്നത് . ഡോക്ടർമാരുടെയും ആശുപത്രിയുടെയും അധിപത്യങ്ങൾക്കുമുൻപേ സുന്നത്ത് കല്യാണത്തിന്റെ ( ചേലാ കർമ്മം ) പേറ്റന്റും ഇവർക്കായിരുന്നു . ഒരു ഒസ്സായും സുന്നത്ത് കല്യാണത്തിൽ പിഴവ് വരുത്തിയതായി കേട്ടിട്ടില്ല . പാരമ്പര്യതൊഴിൽ അവരെ കൂടുതൽ ശക്തരാക്കിയിരിക്കണം . റമളാനിൽ വീട്ടിൽ സാക്കാത്ത് ( ദാനം ) ചോദിച്ച് വരുന്ന സാബർമാർക്കിടയിൽ ( പാവങ്ങൾ ) ഒസ്സാമാരുടെ കുടുംബാംഗങ്ങൾ ധാരാളമുണ്ടാകും . ബ്യൂട്ടിപാർലർകളും ആശുപത്രികളും പെരുകിയപ്പോൾ ഒസ്സാന്മാർക്ക് ജീവിതത്തിനായി സക്കാത്ത് തേടി ഇറങ്ങേണ്ടി വന്നു . എന്റെ ചെറുപ്പത്തിൽ എല്ലാ റമളാൻ മാസത്തിലും സക്കാത്ത്   തേടി പല്ലൊക്കെ വ...
Post a Comment
Read more