ചീറിപ്പാഞ്ഞുവന്ന കാര് അയാളെ തട്ടിത്തെറിപ്പിച്ചു.ചോരയില് കുളിച്ചുകിടന്ന ആ ശരീരത്തെ നോക്കി പരിതപിക്കാനല്ലാതെ ആശുപത്രിയിലെത്തിക്കാന് ആരും തയ്യാറായില്ലാ.ഉടനെ വന്നു പരസ്യം. ടിവിയില് ആ ദാരുണ രംഗം കണ്ടുകൊണ്ടിരുന്ന അവന് പൊട്ടി വന്ന ക്ഷോഭത്താല് പറഞ്ഞു; 'ബാസ്റ്റ്ഡ്....ഒരുത്തനെങ്കിലും അയാളെ വേഗം ഹോസ്പിറ്റലിലെത്തിച്ചെങ്കില്'.പരസ്യം വരാന് കാത്തുനിന്ന അമ്മ അവനോടു പറഞ്ഞു;മോനെ വേഗം ഒരു കവര് പാല് വാങ്ങിച്ചിട്ടു വാ?..... പരസ്യം തീരും മുന്പ് തിരിച്ചെത്തണം.അതിനാലവന് രൂപയുമായി കടയിലേക്കോടി.തനിക്കും മുന്പെ സാധനം വാങ്ങാന് കടയിലെത്തിയവരെ ഗൌനിക്കാതെ അവന് വിളിച്ചു പറഞ്ഞു; പെട്ടെന്ന് ഒരു കവര് പാല് വേണം? പാലുമായി പോകാന് തിരിഞ്ഞപ്പോള് ലോറിയിടിച്ച് റോഡില് വീണു രക്തം വാര്ന്നു പോകുന്ന ഒരു ശരീരമവന് കണ്ടു.പക്ഷേ അതും നോക്കി സമയം കളയാനവനു താത്പര്യമില്ലായിരുന്നു.ടിവിയില് കണ്ട നായകനെ ആരെങ്കിലും ഹോസ്പിറ്റലില് എത്തിച്ചോ? അതോ രക്തം വാര്ന്നു മരിച്ചോ? എന്ന ചോദ്യമായിരുന്നു അവന്റെ മനസു നിറയെ.വീട്ടിലേക്കോടിയ അവന്റെ മനസു നിറയെ പ്രാര്ത്ഥനയായിരുന്നു.......................
എന്റെ ജീവിതം നിങ്ങള്ക്കുള്ള സന്ദേശമല്ല...എന്റെ മരണം നിങ്ങള്ക്കുള്ള മുന്നറിയിപ്പുമല്ല...ജനിച്ചത് കൊണ്ട് ജീവിക്കുന്നു...പഠിച്ചത് കൊണ്ട് കോറിയിടുന്നു...വായന അറിയാമെന്നത് കൊണ്ട് നിങ്ങള് അവ വായിക്കുന്നു...അല്ലാതെ നിങ്ങളും ഞാനും തമ്മില് യാതൊരു ബന്ധവുമില്ല...പുതിയ അര്ത്ഥതലങ്ങള് കണ്ടുപിടിക്കുകയും വേണ്ട...!! :- ഹസിം അമരവിള