ഇന്നാണ് ലോക നാടക ദിനം. എനിക്കിന്ന് എന്റെ പിറന്നാള്‍ ദിനത്തേക്കാള്‍ കൂടുതല്‍ സന്തോഷം തോന്നുന്നുണ്ട്. വല്ലാത്ത ശാന്തത. മനസ്സില്‍ ഒരു കാരണവുമില്ലാതെ ഊര്‍ജ്ജം തിരയടിച്ചു കയറുന്നു. വേണ്ടതിനും വേണ്ടാത്തതിനുമൊക്കെയായി ഒരു വര്‍ഷത്തെ വിഭജിച്ച് പല ദിവസങ്ങളാക്കി പങ്കിട്ടെടുക്കുന്ന കൂട്ടത്തില്‍ ദാ...നാടകക്കാരും കണ്ടെത്തിയിരിക്കുന്നു അവര്‍ക്കായി ഒരു ദിനം. ഒന്നൊത്തൊരുമിച്ച് കൂടാന്‍, പരസ്പരം ഓര്‍മ്മകള്‍ പങ്കുവയ്ക്കാന്‍, കഴിഞ്ഞ നല്ല നാടകക്കാലങ്ങള്‍ അയവിറക്കാന്‍, വരാന്‍ പോകുന്ന നാടകപ്രതീക്ഷകള്‍ സ്വപ്നം കാണാന്‍ ഒരു ദിവസം...
ഒരു രാഷ്ട്രത്തിന്‍റെ സര്‍വതോന്മുഖമായ വികസനത്തിന്‍റെ കാര്യത്തില്‍ നാടകത്തിന്‍റെ പങ്ക് പരമപ്രധാനമാണ്. കാലാകാലങ്ങളായി ഇന്ന രീതിയില്‍ കറങ്ങിക്കൊണ്ടിരിക്കുന്ന ഭൂമി യഥാര്‍ഥത്തില്‍ കറങ്ങേണ്ടിയിരുന്നത് അങ്ങനെയായിരുന്നില്ലെന്ന് മുന്‍കൂട്ടികണ്ടുകൊണ്ട് ജനങ്ങളെ ബോധ്യപ്പെടുത്തി ശരിയായ പാതയിലൂടെ കൈ പിടിച്ച്കൊണ്ട് കാലത്തിനും മുന്‍പേ നടത്തുന്നതില്‍ നാടകത്തിനും നാടകക്കാര്‍ക്കുമുള്ള പങ്ക് ഒഴിവാക്കാനകാത്തതാണ്. നാടകം പ്രധാന ഉപജീവനമാക്കി ജീവിതം മുന്‍പോട്ടുകൊണ്ട് പോകാമെന്ന് തീരുമാനിച്ചതുമുതല്‍ ഈ ദിനമെന്നില്‍ വല്ലാത്ത സ്വാധീനം ചെലുത്തുന്നുണ്ട്. കഴിഞ്ഞ ഏഴുവര്‍ഷത്തിനിടയില്‍ ഏതെങ്കിലും നാടകത്തില്‍ ഭാഗഭാക്കാകാതെ കടന്നു പോകുന്ന ഏകനാടകദിനവും ഇന്നത്തേതാണ്. എന്നിരുന്നാല്‍ തന്നെയും ആസ്വദിക്കാന്‍ നാടക ചര്‍ച്ചകളും നാടകക്കാഴ്ചകളും നാടകറിഹേഴ്സലുകളും ചുറ്റിലും ആവോളമുണ്ട്. 2500വര്‍ഷത്തിലധികം പഴക്കമുള്ള ഈ മഹാകലാരൂപത്തിന്‍റെ വളരെചെറിയ ഭാഗമാകാന്‍ കഴിയുന്നുവെന്നുള്ള ചിന്ത തന്നെ എന്നെ വല്ലാതെ ഉന്മാദത്തിലാക്കുന്നു.
മദ്യത്തിനും മയക്കുമരുന്നിനും പെണ്ണിനും പണത്തിനും നല്‍കാന്‍ കഴിയുന്ന ലഹരികള്‍ക്കപ്പുറമായി മനുഷ്യനെ വികാരത്തിലാറാടിച്ച് കോള്‍മയീര്‍ കൊള്ളിക്കുന്ന ഒരുപ്രത്യേകതരം ലഹരിയാണ് തിയേറ്ററിന്‍റെ മാസ്മരികത. അതൊരിക്കലും പറഞ്ഞുഫലിപ്പിക്കാന്‍ കഴിയുന്ന ഒന്നല്ലാ. സ്വയം അനുഭവിക്കുക തന്നെ വേണം.
ആഴത്തിലേക്ക് എടുത്തുചാടുക, മുങ്ങാംകുഴിയിട്ടും നിലവെള്ളം ചവിട്ടിയും പൊങ്ങിയും താണും തത്തിക്കളിച്ചും വെള്ളം കുടിച്ചും ആ ലഹരി നുകരണം. ആ ലഹരിയില്‍ തന്നെ ഈ ഭൂമിയുമായി അലിഞ്ഞലിഞ്ഞു ചേരണം.
മദ്യത്തിനും മയക്കുമരുന്നിനും പെണ്ണിനും പണത്തിനും നല്‍കാന്‍ കഴിയുന്ന ലഹരികള്‍ക്കപ്പുറമായി മനുഷ്യനെ വികാരത്തിലാറാടിച്ച് കോള്‍മയീര്‍ കൊള്ളിക്കുന്ന ഒരുപ്രത്യേകതരം ലഹരിയാണ് തിയേറ്ററിന്‍റെ മാസ്മരികത. അതൊരിക്കലും പറഞ്ഞുഫലിപ്പിക്കാന്‍ കഴിയുന്ന ഒന്നല്ലാ. സ്വയം അനുഭവിക്കുക തന്നെ വേണം.
ആഴത്തിലേക്ക് എടുത്തുചാടുക, മുങ്ങാംകുഴിയിട്ടും നിലവെള്ളം ചവിട്ടിയും പൊങ്ങിയും താണും തത്തിക്കളിച്ചും വെള്ളം കുടിച്ചും ആ ലഹരി നുകരണം. ആ ലഹരിയില്‍ തന്നെ ഈ ഭൂമിയുമായി അലിഞ്ഞലിഞ്ഞു ചേരണം.
"ഒരു സ്പോട്ട് ലൈറ്റിന്‍റെ വെളിച്ചത്തില്‍
ചുറ്റിലുമുള്ള ആയിരക്കണക്കിന് സദസ്യരെ നോക്കിക്കൊണ്ട്
ചുറ്റിലുമുള്ള ആയിരക്കണക്കിന് സദസ്യരെ നോക്കിക്കൊണ്ട്
മനസ് ശൂന്യമാക്കി ശ്വാസമടക്കിപ്പിടിച്ച്
ഏകനായി ഇരിക്കുന്നതിലും വലിയ ആനന്ദം
ഈ ലോകത്ത്‌ മറ്റെന്താണുള്ളത്"
Comments