PK യുടെ രാഷ്ട്രീയം...

അവിശ്വസനീയമായ ചിത്രം. ബഹിരാകാശത്ത്‌ നിന്നും ഒരന്യഗൃഹജീവി  ഭൂമിയില്‍ എത്തി തിരികെപോകാനുള്ള റിമോട്ട് തേടി നടക്കുന്നു. ഭോജ്പുരി ഹിന്ദി പഠിച്ച് മനുഷ്യനായി ജീവിക്കുന്നു. ഇതിനിടയില്‍ പത്രപ്രവര്‍ത്തകയോട് തോന്നുന്ന അനുരാഗം. റിയലിസത്തില്‍  വിശ്വസിക്കുന്ന ഒരു ശരാശരി മലയാളിക്ക് ദഹിക്കാത്ത Online. ചിത്രം എതിര്‍ക്കുന്നതാകട്ടെ  അതിനേക്കാള്‍ അവിശ്വസനീയമായ എന്നാല്‍ ജനങ്ങള്‍ക്ക്‌ പൂര്‍ണവിശ്വാസമുള്ള ആള്‍ദൈവങ്ങളെ, ഏല്ലാ മതങ്ങളിലെയും അന്ധവിശ്വാസങ്ങളെ...

മതവികാരങ്ങള്‍ വൃണപ്പെടുത്തുന്ന Shots ഇപ്പോഴെത്തുമെന്ന് പ്രതീക്ഷിച്ചാണ് ചിത്രം മുഴുവനും കണ്ടത്‌. പക്ഷെ ഒന്നും കണ്ടുകിട്ടിയില്ല. It's a complete entertainer cinema... അതേസമയം സാമൂഹികമായ ചോദ്യങ്ങളും ചിത്രം ഉയര്‍ത്തുന്നുണ്ട്. ആള്‍ദൈവങ്ങള്‍ക്കും അനാചാരങ്ങള്‍ക്കെതിരായുമുള്ള ബൂമറാങ്ങാണ് PK....... കഥാപാത്രമായുള്ള പകര്‍ന്നാട്ടത്തിലൂടെ എപ്പോഴും നമ്മെ വിസ്മയിപ്പിക്കാറുള്ള അമീര്‍ഖാന്‍ PK യിലൂടെ ഞെട്ടിപ്പിക്കുകതന്നെ ചെയ്തു. പുരികമുയര്‍ത്തിയും കണ്ണുകള്‍ വികസിപ്പിച്ചും അന്യഗൃഹജീവിയുടെ മാനറിസം സ്വീകരിച്ച PK (അമീര്‍ഖാന്‍) ചിത്രത്തിലുടനീളം ആ മാനറിസം മാറാതെ മറ്റുഭാവങ്ങളെല്ലാം മുഖത്ത് കൊണ്ടുവരുന്നത് അത്ഭുതത്തോടെ നോക്കിയിരുന്നുപോയി. 

                                 അനുഷ്ക ശര്‍മയും സുശാന്ത്‌ സിംഗും തങ്ങളുടെ ഭാഗം ഗംഭീരമാക്കിയിട്ടുണ്ട്. ആള്‍ദൈവമായി  സൗരവ്‌ ശുക്ലായും നല്ല പ്രകടനമാണ്. 3 IDIOTS ലൂടെ സിനിമാപ്രേമികളെ അമ്പരപ്പിച്ച അഭിജത്ത് ജോഷി, രാജ്കുമാര്‍ ഹിരാനി കൂട്ടുകെട്ട് PK യിലെത്തിയപ്പോള്‍ ഭാരതത്തെ വിഴുങ്ങിനില്‍ക്കുന്ന  സാമൂഹിക പ്രതിബദ്ധതയുള്ള വിഷയം പലരും പലരീതിയില്‍ പറഞ്ഞിട്ടുണ്ടെങ്കിലും ചിന്തിപ്പിക്കുന്ന രീതിയില്‍ ശക്തമായി ഒന്നുകൂടി ചൂണ്ടിക്കാട്ടി.  വിഷമതകള്‍ വല്ലാതെ വേട്ടയാടുമ്പോള്‍ 'ALL IS WELL' എന്ന് പറഞ്ഞ് ഹൃദയത്തില്‍ പ്രതീക്ഷ നല്‍കാന്‍ പഠിപ്പിച്ച  ഈ കൂട്ടുകെട്ട് PKയില്‍ തെറ്റായ അനാചാരങ്ങള്‍ക്കെതിരെ ആള്‍ദൈവങ്ങള്‍ക്കെതിരെ 'IT'S WRONG NUMBER' എന്ന് ഉറക്കെ വിളിച്ചുപറയാന്‍ പ്രേരിപ്പിക്കുന്നു. ഓരോ മതങ്ങളും  മതചിഹ്നങ്ങളിലൂടെ  തങ്ങളുടെ  Identity ഉറപ്പിച്ചിരിക്കുന്നതും  ഭാഷ മനുഷ്യനെ കള്ളം പറയാന്‍ പഠിപ്പിച്ചതുമെല്ലാം ചിത്രം രസകരമായി പറഞ്ഞു തരുന്നുണ്ട്.

NB: വലിയൊരു വിഷയം വലിയൊരു ക്യാന്‍വാസില്‍ പകര്‍ത്തിക്കാണിച്ചെങ്കിലും Climaxല്‍ Individual ആയി പ്രശ്നത്തെ ലഘൂകരിച്ചതിനോട് യോജിക്കാനാകുന്നില്ല. എന്തൊക്കെയാണെങ്കിലും നല്ലൊരു സിനിമ കണ്ട സംതൃപ്തിയുണ്ട്. PK സിനിമയുടെ പിന്നണി പ്രവര്‍ത്തകര്‍ക്ക്‌ അഭിനന്ദനങ്ങള്‍...